ಪ್ರಧಾನ ಮಂತ್ರಿ ಸೂರ್ಯಘರ್‌ ಯೋಜನೆ (PM Surya Ghar Yojana): ಪ್ರತಿ ಮನೆಗೆ ಸಿಗಲಿದೆ ಉಚಿತ 300 ಯುನಿಟ್‌ ವಿದ್ಯುತ್‌

ಪ್ರತಿ ಮನೆಗೆ ಉಚಿತ ವಿದ್ಯುತ್‌ ನೀಡುವ ಉದ್ದೇಶದಿಂದ ಕೇಂದ್ರ ಸರ್ಕಾರ ಸೂರ್ಯ ಘರ್‌ ಯೋಜನೆಯನ್ನು (PM Surya Ghar Yojana) ಘೋಷಿಸಿದೆ. ಸೌರಶಕ್ತಿ ಬಳಸಿ ವಿದ್ಯುತ್‌ ಉತ್ಪಾದಿಸುವ ಮೂಲಕ ನೈಸರ್ಗಿಕ ಸಂಪನ್ಮೂಲದ ಸದ್ಬಳಕೆ ಹಾಗೂ ವಿದ್ಯುತ್‌ ಉತ್ಪಾದನೆಯ ಮೇಲಿನ ಅವಲವಂಬನೆಯನ್ನು ತಗ್ಗಿಸುವುದು ಯೋಜನೆಯ ಪ್ರಮುಖ ಗುರಿಯಾಗಿದೆ. ಸೂರ್ಯನ ಶಕ್ತಿಯಿಂದ ಮನೆ ಬೆಳಗಿಸಲು ಈಗ ಸಮಯ ಬಂದಿದೆ! ಪ್ರಧಾನಮಂತ್ರಿ ಸೂರ್ಯಘರ್‌ ಉಚಿತ ವಿದ್ಯುತ್‌ ಯೋಜನೆಯಡಿ ನೀವು ಕೂಡ ತಿಂಗಳಿಗೆ 300 ಯುನಿಟ್‌ ಉಚಿತ ವಿದ್ಯುತ್‌ ಪಡೆಯಬಹುದು. ಹೇಗೆ ಎಂಬುದನ್ನು ತಿಳಿದುಕೊಳ್ಳೋಣ.

ಏನಿದು (PM Surya Ghar Yojana) ಸೂರ್ಯಘರ್‌ ಯೋಜನೆ?

ಕೇಂದ್ರ ಸರ್ಕಾರದ ಈ ಅಭೂತಪೂರ್ವ ಯೋಜನೆಯ ಗುರಿ – ಪ್ರತಿಯೊಂದು ಭಾರತೀಯ ಮನೆಯಲ್ಲಿಯೂ ಸೌರಶಕ್ತಿಯಿಂದ ವಿದ್ಯುತ್‌ ಉತ್ಪಾದನೆ ಸಾಧ್ಯವಾಗಬೇಕು. ಮನೆ ಮೇಲಿನ ಛಾವಣಿಯಲ್ಲಿ ಸೌರ ಫಲಕಗಳನ್ನು ಅಳವಡಿಸಿ, ನೈಸರ್ಗಿಕ ಶಕ್ತಿಯನ್ನು ಉಪಯೋಗಿಸಿ ಉಚಿತ ವಿದ್ಯುತ್‌ ಪಡೆಯಲು ಸರ್ಕಾರ ಸಹಾಯ ನೀಡಲಿದೆ.

ಫೆಬ್ರವರಿ 15, 2024 ರಂದು ಪ್ರಧಾನಿ ಮೋದಿ ಅವರು ಈ ಯೋಜನೆಗೆ ಚಾಲನೆ ನೀಡಿದ್ದು, ಸರ್ಕಾರ ಅದಕ್ಕಾಗಿ 75 ಸಾವಿರ ಕೋಟಿ ರೂಪಾಯಿಗೂ ಹೆಚ್ಚು ಅನುದಾನ ಮೀಸಲಿಟ್ಟಿದೆ. ಈ ಯೋಜನೆಯಡಿ ಒಂದು ಕೋಟಿ ಮನೆಗಳಿಗೆ ಉಚಿತ ವಿದ್ಯುತ್‌ ದೊರೆಯಲಿದೆ.

ಇದನ್ನೂ ಓದಿರಿ: Gruhalakshmi: ಗೃಹಲಕ್ಷ್ಮಿ ಫಲಾನುಭವಿಗಳಿಗೆ ಗುಡ್ ನ್ಯೂಸ್, 23ನೇ ಕಂತಿನ ಹಣ ಬಿಡುಗಡೆ – ಸಚಿವೆ ಲಕ್ಷ್ಮಿ ಹೆಬ್ಬಾಳ್ಕರ್

ಪ್ರಮುಖ ಸೌಲಭ್ಯಗಳು

• ಛಾವಣಿಯ ಮೇಲೆ ಸೌರ ಫಲಕ ಅಳವಡಿಸಲು ಸರ್ಕಾರದಿಂದ ಆರ್ಥಿಕ ಸಹಾಯ (ಅತಿ ಹೆಚ್ಚು 60% ವರೆಗೆ).
• ತಿಂಗಳಿಗೆ 300 ಯುನಿಟ್‌ ವಿದ್ಯುತ್‌ ಸಂಪೂರ್ಣ ಉಚಿತ.
• ಹೆಚ್ಚುವರಿ ವಿದ್ಯುತ್‌ ಮಾರಾಟಮಾಡಿ ವರ್ಷಕ್ಕೆ ರೂ. 17,000– ರೂ.18,000 ಗಳಿಕೆ.
• ಸೌರ ಘಟಕ ಅಳವಡಿಕೆಗಾಗಿ ಕಡಿಮೆ ಬಡ್ಡಿದರದ ಸಾಲ ವ್ಯವಸ್ಥೆ.
• ವಿದ್ಯುತ್‌ ಉತ್ಪಾದನೆ ವೆಚ್ಚದಲ್ಲಿ ಸರ್ಕಾರಕ್ಕೆ ಭಾರೀ ಉಳಿತಾಯ.

ಸಬ್ಸಿಡಿ ವಿವರಗಳು

ಸೌರ ಘಟಕ ಸಾಮರ್ಥ್ಯ	ಸಹಾಯಧನ ಮೊತ್ತ
1 ಕಿ.ವ್ಯಾಟ್‌	₹30,000
2 ಕಿ.ವ್ಯಾಟ್‌	₹60,000
3 ಕಿ.ವ್ಯಾಟ್‌ ಅಥವಾ ಹೆಚ್ಚು	₹78,000

ಯಾರೆಲ್ಲಾ ಅರ್ಹರು?

• ಭಾರತೀಯ ಪ್ರಜೆ ಆಗಿರಬೇಕು.
• ತಮ್ಮದೇ ಮನೆಯು ಮತ್ತು ಛಾವಣಿ ಇರಬೇಕು.
• ಸೂಕ್ತ ವಿದ್ಯುತ್‌ ಸಂಪರ್ಕ ಇರಬೇಕು.
• ಹಿಂದಿನ ಯಾವುದೇ ಸೌರ ಸಹಾಯಧನ ಪಡೆದಿರಬಾರದು.

ಇದನ್ನೂ ಓದಿರಿ: PM Kisan: 21ನೇ ಕಂತಿನ ₹2,000/- ಹಣ ಇನ್ನೂ ಬಂದಿಲ್ವಾ ; ಸ್ಟೇಟಸ್ ಚೆಕ್ ಮಾಡೋದು ಹೇಗೆ?

ಸಾಲ ಸೌಲಭ್ಯ

PM Surya Ghar Yojana ಅಡಿಯಲ್ಲಿ ಸೌರ ಘಟಕ ಅಳವಡಿಸಲು 7% ಬಡ್ಡಿದರದ ಮೇಲಾಧಾರ ರಹಿತ ಸಾಲ ಲಭ್ಯ. RBI ನ ರೆಪೊ ದರ ಇಳಿಕೆಯಾದರೆ ಬಡ್ಡಿಯೂ ಇನ್ನಷ್ಟು ಕಡಿಮೆಯಾಗಲಿದೆ.

ಹೇಗೆ ಅರ್ಜಿ ಸಲ್ಲಿಸಬಹುದು?

1. ಅಧಿಕೃತ ಜಾಲತಾಣಕ್ಕೆ ಭೇಟಿ ನೀಡಿ: www.pmsuryaghar.gov.in
2. ಜಾಲತಾಣದಲ್ಲಿ Login ವಿಭಾಗದಲ್ಲಿ Consumer Login ಆಯ್ಕೆಯನ್ನು ಕ್ಲಿಕ್ ಮಾಡಿ.
3. ಮುಂದಿನ ಪುಟದಲ್ಲಿ ನಿಮ್ಮ ಮೊಬೈಲ್ ನಂಬರ್ ಹಾಕಿ ಒಟಿಪಿ ನೀಡಿ.

1. ನಂತರ ನಿಮ್ಮ ಹೆಸರು, ಇಮೇಲ್, ವಿಳಾಸ ಎಲ್ಲವನ್ನು ನೀಡಿರಿ.
2. ನಂತರ ರಾಜ್ಯ, ವಿದ್ಯುತ್‌ ಸಂಸ್ಥೆ, ಗ್ರಾಹಕ ಸಂಖ್ಯೆ, ಮೊಬೈಲ್‌ ಮತ್ತು ಇಮೇಲ್‌ ವಿವರ ನೀಡಿ.
3. ಲಾಗಿನ್‌ ಮಾಡಿ – ನಿಮ್ಮ ಮನೆಯ ಸೌರ ಫಲಕ ಅಳವಡಿಕಾ ಅರ್ಜಿಯನ್ನು ಭರ್ತಿ ಮಾಡಿ.
4. ವಿದ್ಯುತ್‌ ಸಂಸ್ಥೆಯಿಂದ ಅನುಮೋದನೆ ಪಡೆದ ಬಳಿಕ ಪ್ಯಾನೆಲ್‌ ಅಳವಡಿಸಲಾಗುತ್ತದೆ.
5. ನಂತರ ನೆಟ್‌ ಮೀಟರ್‌ ಅಳವಡಿಸಿ ಪರಿಶೀಲನೆ ನಡೆಸಲಾಗುತ್ತದೆ.
6. ಅನುಮತಿ ಪತ್ರ ಸಿಕ್ಕ ನಂತರ ಬ್ಯಾಂಕ್‌ ವಿವರ ಸಲ್ಲಿಸಿ – 30 ದಿನಗಳಲ್ಲಿ ಸಹಾಯಧನ ನಿಮ್ಮ ಖಾತೆಗೆ!

ಅರ್ಜಿ ವೇಳೆ ಅಗತ್ಯ ದಾಖಲೆಗಳು: ಗುರುತಿನ ಪಟ್ಟಿ, ವಿಳಾಸ ಪುರಾವೆ, ಇತ್ತೀಚಿನ ವಿದ್ಯುತ್‌ ಬಿಲ್‌, ಮನೆ ಮಾಲೀಕತ್ವದ ಪ್ರಮಾಣಪತ್ರ ಹಾಗೂ ಛಾವಣಿಯ ಸಾಮರ್ಥ್ಯ ಪಟ್ಟಿ.

ಇದನ್ನೂ ಓದಿರಿ: ಸ್ವಂತ ಮನೆ ಇಲ್ಲದವರಿಗೆ ಭರ್ಜರಿ ಸಿಹಿಸುದ್ದಿ: ಕೇಂದ್ರ ಸರ್ಕಾರದಿಂದ (PMAY)ಸಿಗಲಿದೆ ಬಂಪರ್ ಸಬ್ಸಿಡಿ, ಈಗ್ಲೇ ಅಪ್ಲೈ ಮಾಡಿ

ಈ ಯೋಜನೆಯಿಂದ ಸಿಗುವ ಪ್ರಯೋಜನಗಳು

• ಮನೆಗೆ ಉಚಿತ ವಿದ್ಯುತ್‌ – ವರ್ಷಕ್ಕೆ ಸಾವಿರಾರು ರೂಪಾಯಿ ಉಳಿತಾಯ.
• ಹೆಚ್ಚುವರಿ ವಿದ್ಯುತ್‌ ಮಾರಾಟಮಾಡಿ ಹೆಚ್ಚುವರಿ ಆದಾಯ.
• 20 ವರ್ಷಗಳವರೆಗೆ ನಿರಂತರ ವಿದ್ಯುತ್‌ ಬಳಕೆ ಸಾಧ್ಯತೆ.
• ಪರಿಸರ ರಕ್ಷಣೆ, ಇಂಗಾಲ ಹೊರಸೂಸುವಿಕೆ ಕಡಿತ.
• ಸುಮಾರು 17 ಲಕ್ಷ ಹೊಸ ಉದ್ಯೋಗಾವಕಾಶಗಳು.

ಸೂರ್ಯಘರ್‌ ಯೋಜನೆ (PM Surya Ghar Yojana) ಕೇವಲ ಉಚಿತ ವಿದ್ಯುತ್‌ ಕೊಡಿಸುವ ಯತ್ನವಲ್ಲ; ಇದು ದೇಶವನ್ನು ಸೌರಶಕ್ತಿಯತ್ತ ಕೊಂಡೊಯ್ಯುವ ಮಹತ್ವದ ಹೆಜ್ಜೆ. ಮನೆಮಂದಿಗೆ ಜೊತೆಗೆ ದೇಶಕ್ಕೂ ಸ್ವಾವಲಂಬನೆಯ ಬೆಳಕು ಹರಿಸುತ್ತಿದೆ ಈ ಯೋಜನೆ.