ಚಿನ್ನದ ಮೇಲೆ ಹೂಡಿಕೆ ಮಾಡಲು ಬಯಸುತ್ತೀರಾ? ಆದರೆ ಭೌತಿಕ ಚಿನ್ನ ಇಟ್ಟುಕೊಳ್ಳುವ ಜವಾಬ್ದಾರಿ ಬೇಡವೇ? ಹಾಗಿದ್ದರೆ, ಭಾರತ ಸರ್ಕಾರ ಮತ್ತು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (RBI) ಜಂಟಿಯಾಗಿ ನಡೆಸುವ ಸಾವರಿನ್ ಗೋಲ್ಡ್ ಬಾಂಡ್ (SGB) ನಿಮಗಾಗಿ ಇರುವ ಅತ್ಯುತ್ತಮ ಆಯ್ಕೆಯಾಗಿದೆ. ಇದು ಸಂಪೂರ್ಣ ಸುರಕ್ಷಿತ ಹೂಡಿಕೆಯಾಗಿದ್ದು, ಡಿಜಿಟಲ್ ರೂಪದಲ್ಲಿ ಚಿನ್ನವನ್ನು ಖರೀದಿಸಬಹುದು. ಇದರ ಜೊತೆಗೆ, ಪ್ರತಿ ವರ್ಷ 2.5 ಪ್ರತಿಶತ ಬಡ್ಡಿಯನ್ನು ಸಹ ಪಡೆಯುತ್ತೀರಿ. ಈ ಬಡ್ಡಿ ನೇರವಾಗಿ ನಿಮ್ಮ ಬ್ಯಾಂಕ್ ಖಾತೆಗೆ ಜಮಾ ಆಗುತ್ತದೆ.
ಸಾವರಿನ್ ಗೋಲ್ಡ್ ಬಾಂಡ್ ನಲ್ಲಿ ಹೂಡಿಕೆ ಮಾಡಿದರೆ ನಿಮಗೆ ಸಿಗುವ ಲಾಭಗಳು ಏನು?
ಭೌತಿಕ ಚಿನ್ನದಲ್ಲಿ ಕೇವಲ ಚಿನ್ನದ ಬೆಲೆ ಏರಿಕೆಯ ಲಾಭ ಮಾತ್ರ ಸಿಗುತ್ತದೆ. ಆದರೆ SGB ನಲ್ಲಿ, ಚಿನ್ನದ ಬೆಲೆ ಏರಿಕೆಯೊಂದಿಗೆ ಸ್ಥಿರವಾದ ಬಡ್ಡಿ ಕೂಡ ಸಿಗುತ್ತದೆ. ಇದರ ಜೊತೆಗೆ, ಮೆಚ್ಯೂರಿಟಿ ಸಮಯದಲ್ಲಿ ತೆರಿಗೆ ವಿನಾಯಿತಿಯ ದೊಡ್ಡ ಪ್ರಯೋಜನವೂ ಇದೆ.
ಲಾಭದ ಲೆಕ್ಕಾಚಾರ ಒಂದು ಸರಳ ಉದಾಹರಣೆ
ಒಂದು ವೇಳೆ ನೀವು 50,000 ರೂಪಾಯಿ ಹೂಡಿಕೆ ಮಾಡಿ, ಪ್ರತಿ ಗ್ರಾಂ ಚಿನ್ನದ ಬೆಲೆ 5000 ರೂಪಾಯಿ ಇದ್ದಾಗ SGB ಖರೀದಿಸಿದರೆ, ನಿಮಗೆ 10 ಗ್ರಾಂ ಚಿನ್ನಕ್ಕೆ ಸಮಾನವಾದ SGB ಸಿಗುತ್ತದೆ.
ಬಡ್ಡಿ: ಪ್ರತಿ ವರ್ಷ, ನೀವು ಹೂಡಿಕೆ ಮಾಡಿದ 50,000 ರೂಪಾಯಿ ಮೇಲೆ 2.5 ಪ್ರತಿಶತ ಬಡ್ಡಿ ಅಂದರೆ 1,250 ರೂಪಾಯಿ ಪಡೆಯುತ್ತೀರಿ. ಇದು ಪ್ರತಿ 6 ತಿಂಗಳಿಗೊಮ್ಮೆ 625 ರೂಪಾಯಿಗಳಂತೆ ನಿಮ್ಮ ಖಾತೆಗೆ ಜಮಾ ಆಗುತ್ತದೆ.
ಮೆಚ್ಯೂರಿಟಿ ಲಾಭ: 8 ವರ್ಷಗಳ ನಂತರ, ಚಿನ್ನದ ಬೆಲೆ 7000 ರೂಪಾಯಿ ಪ್ರತಿ ಗ್ರಾಂಗೆ ಏರಿದರೆ, ನಿಮ್ಮ 10 ಗ್ರಾಂ ಚಿನ್ನದ ಮೌಲ್ಯ 70,000 ರೂಪಾಯಿ ಆಗುತ್ತದೆ. ಅಂದರೆ ನಿಮಗೆ 20,000 ರೂಪಾಯಿ ಬಂಡವಾಳ ಲಾಭ Capital Gain ಸಿಗುತ್ತದೆ.
ಒಟ್ಟು ಲಾಭ: 8 ವರ್ಷಗಳಲ್ಲಿ ಗಳಿಸಿದ ಬಡ್ಡಿ 10,000 ರೂಪಾಯಿ ಮತ್ತು ಬಂಡವಾಳ ಲಾಭ 20,000 ರೂಪಾಯಿ ಒಟ್ಟು ಸೇರಿ 30,000 ರೂಪಾಯಿ ಲಾಭ ಗಳಿಸುತ್ತೀರಿ.
ಕಳೆದ ದಶಕದಲ್ಲಿ ಚಿನ್ನದ ಬೆಲೆ ಸರಾಸರಿ 8 ಪ್ರತಿಶತ ರಿಂದ 10 ಪ್ರತಿಶತ ರಷ್ಟು ಹೆಚ್ಚಾಗಿದೆ. ಇದಕ್ಕೆ 2.5 ಪ್ರತಿಶತ ಬಡ್ಡಿಯನ್ನು ಸೇರಿಸಿದರೆ, ನಿಮ್ಮ ಒಟ್ಟು ಆದಾಯ 10.5 ಪ್ರತಿಶತ ರಿಂದ 12.5 ಪ್ರತಿಶತ ವರೆಗೆ ತಲುಪುತ್ತದೆ. ಇದು ಯಾವುದೇ ಬ್ಯಾಂಕ್ ಅಥವಾ ಫಿಕ್ಸೆಡ್ ಡೆಪಾಸಿಟ್ ಯೋಜನೆಗಳಿಗಿಂತ ಹೆಚ್ಚುಲಾಭ ಪಡೆಯುವಿರಿ !
ಇದನ್ನೂ ಓದಿರಿ: Gruha Lakshmi Loan: ಕೇವಲ ₹200 ಉಳಿಸಿದರೆ ಸಿಗುತ್ತೆ ₹3 ಲಕ್ಷ ಸಾಲ! ಮೊದಲು ಬಂದವರಿಗೆ ಆಧ್ಯತೆ? – ಅರ್ಜಿ ಹಾಕೋದು ಎಲ್ಲಿ?
SGB ಗಳನ್ನು ಹೇಗೆ ಮತ್ತು ಎಲ್ಲಿ ಖರೀದಿಸುವುದು?
SGB ಖರೀದಿಸುವುದು ತುಂಬಾ ಸುಲಭ. ಈ ಕೆಳಗಿನ ವಿಧಾನಗಳನ್ನು ಬಳಸಬಹುದು:
- ನೆಟ್ ಬ್ಯಾಂಕಿಂಗ್/ಮೊಬೈಲ್ ಆಪ್: SBI, HDFC, ICICI ನಂತಹ ಪ್ರಮುಖ ಬ್ಯಾಂಕುಗಳಲ್ಲಿ ನಿಮ್ಮ ಬ್ಯಾಂಕ್ ಆಪ್ ಮೂಲಕ ಲಾಗಿನ್ ಆಗಿ, Investment ಅಥವಾ Gold Bond ವಿಭಾಗಕ್ಕೆ ಹೋಗಿ ಆನ್ಲೈನ್ನಲ್ಲಿ ಅರ್ಜಿ ಸಲ್ಲಿಸಬಹುದು.
- ಅಂಚೆ ಕಛೇರಿ Post Office: ಅಗತ್ಯವಿರುವ ಫಾರ್ಮ್ ಭರ್ತಿ ಮಾಡಿ ಮತ್ತು ಪಾವತಿ ಮಾಡಿ ಖರೀದಿಸಬಹುದು.
- ಸ್ಟಾಕ್ ಎಕ್ಸ್ಚೇಂಜ್: ನಿಮಗೆ ಡಿಮ್ಯಾಟ್ ಖಾತೆ Demat Account ಇದ್ದರೆ, ಸ್ಟಾಕ್ ಎಕ್ಸ್ಚೇಂಜ್ ಮೂಲಕವೂ ಖರೀದಿಸಬಹುದು.
- SHCIL Stock Holding Corporation of India: ಇವರ ವೆಬ್ಸೈಟ್ ಮೂಲಕವೂ ಅರ್ಜಿ ಸಲ್ಲಿಸಬಹುದು.
ಗಮನಿಸಿ ಆನ್ಲೈನ್ ಖರೀದಿಗೆ ಪ್ರತಿ ಗ್ರಾಂಗೆ 50 ರೂಪಾಯಿ ರಿಯಾಯಿತಿ ಸಿಗುತ್ತದೆ. SGB ಗಳು ವರ್ಷಕ್ಕೆ 4-5 ಬಾರಿ ಕಂತುಗಳಲ್ಲಿ ಬಿಡುಗಡೆಯಾಗುತ್ತವೆ. RBI ವೆಬ್ಸೈಟ್ನಲ್ಲಿ ಯಾವಾಗ ಹೊಸ ಸರಣಿ ಬರುತ್ತೆ ಎಂಬುದನ್ನು ಗಮನಿಸಿ.
SGB ನ ಪ್ರಮುಖ ವೈಶಿಷ್ಟ್ಯಗಳು ಮತ್ತು ಪ್ರಯೋಜನಗಳು
ಭದ್ರತೆ: ಡಿಜಿಟಲ್ ರೂಪದಲ್ಲಿರುವುದರಿಂದ ಕಳ್ಳತನ, ನಕಲಿ ಚಿನ್ನದ ಭಯವಿಲ್ಲ.
ಹೂಡಿಕೆ ಮಿತಿ: ಕನಿಷ್ಠ 1 ಗ್ರಾಂ ನಿಂದ ಗರಿಷ್ಠ 4 ಕೆಜಿವರೆಗೆ ಪ್ರತಿ ವರ್ಷ ಹೂಡಿಕೆ ಮಾಡಬಹುದು.
ಲಾಕ್ ಇನ್ ಅವಧಿ: ಇದು 8 ವರ್ಷಗಳ ಬಾಂಡ್ ಆಗಿದ್ದರೂ, 5 ವರ್ಷಗಳ ನಂತರ ಮಾರುಕಟ್ಟೆ ದರದಲ್ಲಿ ಮಾರಾಟ ಮಾಡಬಹುದು.
ತೆರಿಗೆ ವಿನಾಯಿತಿ: ಮೆಚ್ಯೂರಿಟಿಯ ನಂತರ ಬರುವ ಬಂಡವಾಳದ ಲಾಭದ ಮೇಲೆ ಯಾವುದೇ ತೆರಿಗೆ ಇರುವುದಿಲ್ಲ ಇದು ಅತಿದೊಡ್ಡ ಪ್ರಯೋಜನ.
ಸಾಲ ಸೌಲಭ್ಯ: ಅಗತ್ಯವಿದ್ದಲ್ಲಿ ಈ ಬಾಂಡ್ಗಳನ್ನು ಅಡಮಾನವಿಟ್ಟು ಬ್ಯಾಂಕಿನಿಂದ ಸಾಲ ಪಡೆಯಬಹುದು.
ಗಿಫ್ಟ್ ಮಾಡುವ ಆಯ್ಕೆ: ನಿಮ್ಮ ಕುಟುಂಬದ ಸದಸ್ಯರಿಗೆ ಇದನ್ನು ಉಡುಗೊರೆಯಾಗಿ ನೀಡಬಹುದು ಮತ್ತು ನಾಮಿನಿ ವಿವರಗಳನ್ನು ಸಹ ಸೇರಿಸಬಹುದು.
ಇದನ್ನೂ ಓದಿರಿ: Post Office Scheme: ಅಂಚೆ ಕಚೇರಿಯ ಅದ್ಭುತ ಯೋಜನೆ! ಒಮ್ಮೆ ಹಣ ಇಟ್ರೆ, ಬಡ್ಡಿನೇ ₹4,49,034 ಸಿಗುತ್ತೆ!
ಈ ಯೋಜನೆ ಯಾರಿಗಾಗಿ ಸೂಕ್ತ?
ದೀರ್ಘಾವಧಿಯ ಹೂಡಿಕೆದಾರರು: ಯಾರು 5 ವರ್ಷಕ್ಕಿಂತ ಹೆಚ್ಚು ಕಾಲ ಹೂಡಿಕೆ ಮಾಡಲು ಬಯಸುತ್ತಾರೋ, ಅವರಿಗೆ ಇದು ಅತ್ಯುತ್ತಮ ಆಯ್ಕೆ.
ಭವಿಷ್ಯದ ಯೋಜನೆಗಳು: ನಿಮ್ಮ ಮಗ/ಮಗಳ ಮದುವೆ ಅಥವಾ ಶಿಕ್ಷಣಕ್ಕಾಗಿ ಯೋಜನೆ ರೂಪಿಸುವವರಿಗೆ ಇದು ಹೆಚ್ಚು ಲಾಭದಾಯಕ.
ಹಿರಿಯ ನಾಗರಿಕರು: ಪ್ರತಿ 6 ತಿಂಗಳಿಗೊಮ್ಮೆ ಬಡ್ಡಿ ಬರುವುದರಿಂದ ಅವರಿಗೆ ನಿಯಮಿತ ಆದಾಯದ ಮೂಲವಾಗುತ್ತದೆ.
FD ಗಿಂತ ಹೆಚ್ಚು ಆದಾಯ ಬಯಸುವವರು: ಷೇರು ಮಾರುಕಟ್ಟೆಯ ಅಪಾಯ ಬೇಡವಾದರೂ, ಸ್ಥಿರ ಠೇವಣಿಗಳಿಗಿಂತ ಹೆಚ್ಚಿನ ಆದಾಯವನ್ನು ಬಯಸುವವರಿಗೆ ಇದು ಸೂಕ್ತ.
ಗಮನಿಸಬೇಕಾದ ಅಂಶ: 1-2 ವರ್ಷಗಳಲ್ಲಿ ಹಣದ ಅವಶ್ಯಕತೆ ಇರುವವರು ಇದನ್ನು ಖರೀದಿಸುವುದನ್ನು ತಪ್ಪಿಸಬೇಕು. ಏಕೆಂದರೆ 5 ವರ್ಷಗಳಿಗಿಂತ ಮುಂಚೆ ಮಾರಾಟ ಮಾಡಿದರೆ, ಮಾರುಕಟ್ಟೆ ದರದ ಪ್ರಕಾರ ಲಾಭ/ನಷ್ಟವಾಗಬಹುದು. ಆದರೆ 8 ವರ್ಷ ಕಾಯುವ ತಾಳ್ಮೆ ಇದ್ದರೆ, ಇದು ಚಿನ್ನದಲ್ಲಿ ಹೂಡಿಕೆ ಮಾಡಲು ಅತ್ಯಂತ ಸುರಕ್ಷಿತ ಮತ್ತು ಲಾಭದಾಯಕ ಮಾರ್ಗವಾಗಿದೆ.
